攝錄機及相機｜Cameras

按拍攝用途揀機身：拍電影同廣告揀電影攝錄機，新聞採訪同活動揀手持攝錄機，網上直播同課室錄影揀雲台攝錄機，Vlog 同輕便拍攝揀無反相機或者口袋相機。

相機鏡頭按片幅同焦距分類：全片幅機身配全片幅鏡頭，APS-C 機身兩種都用得。變焦鏡一支應付多種場景，定焦鏡光圈大、畫質銳利、背景虛化更明顯。

電影鏡頭採用 T 值光圈、齒輪式對焦同光圈環，對焦行程長、呼吸效應低，同一系列嘅顏色同尺寸一致，方便拍攝時換鏡同配合跟焦器使用。

監視器令你喺拍攝時睇得更大、更清楚，準確檢查對焦、曝光同構圖。機頂監視器裝喺機身上，監視記錄器可以同時錄影，導演及廣播監視器就適合現場監看同後期調色。

套籠、穩定器、跟焦器同各種托架配件，令相機更易手持、更穩定，亦方便加裝監視器、收音咪、電池同無線圖傳。

拍攝必備嘅記憶卡、電池、充電器、濾鏡、相機袋，以及無線圖傳同時間碼等專業配件。